Nalumos ug nakabsan sa kinabuhi ang usa ka batan-ong lalaki samtang naligo sa usa ka resort sa San Remegio, Kaputian District, Island Garden City of Samal, atol sa ilang outing sa iyang mga higala. Base sa report sa Coast Guard Sub-Station Kaputian, ang biktima 21-anyos ug residente sa Cotabato City.
Sa inisyal nga imbestigasyon, naligo ang biktima kauban ang grupo sa daplin sa baybay, apan miabot sa gibana-bana nga 20 metros ang gilay-on gikan sa baybayon dihang kalit kini nakit-ang nalumos. Gilayong mitabang ang duty lifeguard sa resort ug gihatagan og Cardio Pulmonary Resuscitation (CPR) ang biktima.
Human sa paningkamot nga mabuhi pa ang batan-on, giluwas kini padulong sa usa ka balay-tambalanan sa Peñaplata apan gideklarang dead on arrival sa mga doktor. Sa karon, padayon pa ang imbestigasyon sa mga otoridad aron masuta ang tibuok panghitabo ug masiguro ang kaluwasan sa mga resort sa isla.
