21-anyos nga dalaga, nakaplagang patay sa iyahang kaugalingong kwarto, human gikawatan na gipatay pa sa usa ka suspek!

Nakit-an nga patay ang 21-anyos nga dalaga nga si Princess Eliaca usa ka Criminology Student, sa ilang balay sa San Roque, Ozamiz City, Misamis Occidental.

Sumala pa nga nag-inusara kini sa ilahang panimalay sa dihang nahitabo ang krimen, samtang tua sa lawod nangisda ang iyang ginikanan.

Gumikan niini, dali nga gisulod sa suspek ang kwarto sa biktima nga wala naka-lock.

Giangkon sa suspek nga hubog siya ug tungod sa problema sa kwarta, giilog niini ang gadget sa biktima nga miresulta sa pagkatuok sa dalaga rason sa hinanaling kamatayon niini.

Nadakpan gilayon ang suspek nga giilang si Michael, diin nasayrang silingan lamang kini sa biktima ug narekober gikan kaniya ang duha ka cellphone ug kwentas nga gituohang gikan sa biktima.