Batan-on nga dunay warrant of arrest wala na maka-ikyas

DAVAO CITY  –  Sikop sa gilusad nga operasyon sa otoridad ang usa ka batan-on nga adunay warrant of arrest.

Naila ang dinakpan nga usa ka Ariel Villamor Novitos, alyas Dodong, 21 anyos, ulitawo, residente sa Block 3 Phase 1 SIR New Matina ning dakbayan sa Davao.

Mismong ang mga sakop sa Talomo PNP ang mitunol sa warrant of arrest sa suspek sa pinuy-anan niini.

Nag-atubang sumala pa ang nahisgutan ug kasong robbery with intimidation of person diin gi-isyu ang warrant of arrest niini ni Hon. Presiding Judge Genrose Lu sa Regional Trial Court (RTC) Branch 14 , 11^th Judicial region.

Temporaryo lamang nga makagawas sa presohan ang dinakpan kung makabayad kini ug piyansa nga P100,000.