-- ADVERTISEMENT --
Mokabat sa kapin 200 ka mga parisan ang gikasal nga gipahigayon sa Davao City Recreational Center (Almendras gym) atol sa “KASALAN SA PASKO”, usa ka kasalan ng bayan.
Kini gipangunahan mismo ni Davao City Acting Mayor Sebastian “Baste” Duterte.
Anaa sa 207 ka paresan ang gikasal diin nakadawat og slice sa cake, noche buena packages, ug tag dos mil nga kantidad sa kwarta gikan sa local nga panggamhanan.
Sa usa ka pamahayag, gihatagan og pagtagad ni Mayor Baste ang kamahinungdanon sa panaghiusa ug pagpalambo sa katilingban, nga magsugod sa gugma sa usa ka pamilya.
Gitambungan sab ang maong aktibidad sa pipila ka mga konsehal ning syudad ug mga kabanay sa mga gipangkasal.
-- ADVERTISEMENT --
