DAVAO CITY -Gihikay na ang pagpasaka ug kaso nga may kalabotan sa kalapasan sa Republic Act 8042 o illegal recruitment batok ngadto sa recruitment agency nga gi-reklamo sa pito ka mga biktima sa illegal recruitment nga gisaaran ug trabaho sa manpower services nga nahimutang Gulf View Executive Homes sa Bago Aplaya, ning dakbayan Davao.
Una nang naila ang mga biktima nga sila si Marinel Abolag, 27 anyos, residente sa Lupon, Davao Oriental, Florenda Manila, 29anyos, nga taga-Sto. Niño, Jocelyn Mula, 50 anyos, residente sa Oduha Extension, Agdao, Tea De Los Reyes, Rico, 27 anyos, taga-Malalag Cogon, Malungon, Sarangani Province, Janet Ignacio Neri, residente sa Toril, ning dakbayan sa Davao, Wilmar Torillas, 24 anyos, residente sa San Francisco, Panabo City, Ug Maricar Nabre, 33 anyos, residente sa Manquilam, Tagum City.
Naila ang giakusahan nga recruitment agency nga FPNP Manpower Services nga gipanag-iya sa usa ka Isabelita De Chavez Motardo nga nahimutang sa Bago Aplaya, ning dakbayan sa Davao.
Gi-endorso ang mga nahisgutan pinaagi kanila ni Barangay Captain Lazaro ug uban pa nga mga barangay official ngadto sa Talomo Police Station.
Nasayran nga gisa-aran ug trabaho ang mga nahisgutan biktima, apan wala pa gayu’y katumanan.
Nasuta sa pag-beripika niini nga wala’y tukma nga pagtugot sa pag-operate ang nahisgutan nga recruitment agency nga maka-operate.
