DAVAO CITY – Hugtanon nga tutukan karon sa Davao City Police Office (DCPO) ang mga illegal nga sugal dinhi sa dakbayan sa Davao isip kabahion sa mas gipakusgan nila nga “war on illegal gambling” nga hulip sa ilang war on drugs.
Una ng gibutyag ni DCPO spokesperson Senior Inspector Catherine dela Rey nga dili lamang last-two ang ilang imonitor kung dili lakip na ang madjong, hantak, braha, sabong-sabong, pronton ug video.
Laoman sumala pa nga sa umaabot nga mga adlaw, mokunhud na ang susama nga suliran gumikan kay kini ang ilang hatagan karon ug pagtagad.
Una ng nakadawat ug impormasyon ang kapulisan nga ipaagi karon sa mga money remittance centers ang pagpadala sa mga pusta gikan sa mga nagapataya padulong sa mga coordinators hinungdan nga ila na kini karon nga gipanubayan.
Kahinumduman nga mismong si Philippine National Police (PNP) director general Ronald dela Rosa ang nagpagula ug kamandoan sa tanan kapulisan sa nasud nga pangsikupon kadtong mga nalambigit sa ilegal nga sugal.
