DAVAO CITY- Muabot sa kapin 20,000 ka mga child laborers sa rehiyon unse ang natala sa Department of Labor and Employment (DOLE XI) hangtud niadtong bulan sa Hulyo ning kasamtangang tuig.
Nasayran nga ang maong ihap maoy pinakataas kung itandi niadtong 2021 diin adunay natala nga 10,797 ka mga child laborers.
Sa nahisgutang ihap, mukabat lamang sa 108 ka mga batang trabahante sa Davao Region ang natabangan sa pagpatuman sa pilot implementation sa Strategic Help Desk for Information, Education, Livelihood and other Developmental Interventions (SHIELD) Project ilalom sa Department of Social Welfare and Development (DSWD).
Dinhi sa Davao Region, ang mga child laborers ang sagad nahimong construction workers ug street vendors. Samtang sa mga rural areas, sagad sa mga kabataan ang nagtrabaho sa kaumahan.
Adunay gimugna nga balaud sa nasud ug kini mao ang Republic Act 7610 o Special Protection of Children Against Abuse, Exploitation and Discrimination ug ang protektado niini mao ang mga batang anaa sa 5 hangtud 17 anyos nga pangidaron.
