DAVAO CITY – Gipasakahan sa lokal nga kagamhanan ug kaso ang anaa sa 200 ka mga indibidwal nga nakalapas sa protocols sa community quarantine.
Sumala pa kang Public Safety and Security Command Center (PSSCC) head Angel Sumagaysay, anaa sa 90 ka mga kaso ang naduso sa korte batok sa 277 violators gumikan sa kalapasan sa curfew, liquor ban ug social gathering.
Sa pikas nga bahin, anaa sa 145 ka kaso ang naduso usab gikan sa 329 apprehensions gumikan sa kalapasan sa Food and Medicine Pass (FM Pass).
Ang uban nga kaso ang wala pa naduso gumikan kay himuon kini pinaagi sa regular filing samtang ang uban nga mga suspek ang mga minor de edad. Gibutyag sab ni Sumagaysay nga istrikto nga ipatuman ang protocols kini aron malikayan ang pagkatag sa virus. Samtang gidayeg sab ni Sumagaysay ang kapulisan sa nahimong trabaho niini aron lamang masiguro nga hugtanong mapatuman ang protocols.
