DAVAO CITY – Anaa na sa kustodiya sa kapulisan ang 20 ka mga wanted person nga nasikop atol sa gilusad nga Oplan Kalinaw subay sa gipagulang warrant of arrests gumikan sa mga nagkadaiyang kasong kriminal nga ilang gi-atubang.
Una ng gipahigayon ang simultaneous operations sa West Anthony, Brgy. San Antonio nga sakop sa area of responsibility sa Sta. Ana Police Station, Purok 1 ug 2, Bryco Bankerohan, Barangay 5-A nga sakop sa area sa San Pedro Police Station, Purok 2 Sitio Dampa, Magtuod nga area of responsibility sa Talomo Police Station, Km. 11, Muslim Village, Purok 1 & 2, Barangay Sasa nga area of responsibility sa Sasa Police Station, Purok Kalayaan, Margarita Village nga area of responsibility sa Buhangin Police station Brgy. Ilang, Tibungco nga area of responsibility sa Bunawan Police Station, Lizada Beach, Brgy. Lizada nga area of responsibility sa Toril Police Station,Sitio Sinalikway, Brgy. Bago Oshiro, Tugbok District nga area of responsibility sa Tugbok Police Station, ug Purok 3, Brgy. Lacson, nga area of responsibility sa Calinan Police Station.
Ginapahigayon sab ang maong operasyon aron masiguro nga dili makasulod sa dakbayan ang mga indibidwal nga planong molusad ug terorismo.
