DAVAO CITY – Sugdan na sa Hunyo 25 sa mga sakop sa Davao City Transport and Traffic Management Office (CTTMO) ang pag-isyu ug citation ticket sa mga mosupak sa bag-ong 20-second traffic rule alang sa mga pampublikong sakyanan nga magpataka na lamang sa pasakay ug magpanaug sa ilang mga pasahero daplin sa mga kadalanan sa siyudad.
Matud pa kang CTTMO Chief Dionisio Abude nga sugod sa lunes sa mosunod nga semana, ipahimutang na nila ang 20-second traffic rule signage’s sa mga loading bay sa Mc Arthur, Pichon Street, C.M. Recto, J.P. Laurel, San Pedro Street ug Uyanguren.
Gitataw sab ni Abude nga kinahanglan ihunong na ang susama nga binuhatan sa mga driver gumikan kay mamahimong hinungdan sa paghuot sa dagan sa trapiko sa mga yellow boxes.
