DAVAO CITY – Hustisya ang gipangayo karon sa kabanay sa usa ka 20 anyos nga lalaki nga namatay human kini gitigbas sa gikanayong grupo usab sa ka batan-on.
Sa imbestigasyon sa Talomo PNP, naila ang biktima nga si Ricoyan Dales Dela Cerna, ulitawo, walay trabaho ug residente sa Taal 1, Bangkal ning siyudad.
Sumala sa higala niini nga si Michelles Jane Salaguinto, babaye, 14 anyos, estudyante, ug residente sa nahisgutan nga dapit, samtang pauli na sila sa biktima kauban ang ilang mga higala kalit sumala pa sila nga giduol sa grupo sa mga kalalakin-an saw ala matino nga rason nga miresulta sa usa ka komosyon tali sa duruha ka grupo.
Gitigbas sumala pa ang biktima sa usa sa ilang mga nakaaway hinungdan nga na-igo kini sa likod nga bahin sa iyang ulo. Dali pa nga gidala ang nahisgutan sa Davao Adventist Hospital apan gideklara kining dead on arrival sa mga doktor.
Ang suspek nga si Reneboy Liungasa Artiaga, ulitawo, lumad nga taga Kiblawan Davao del Sur, buko juice vendor ug residente sa Hydie Buko Juice Cordillera St. Central Park Subdivision Bangkal ang boluntaryo nga mitahan sa kapulisan ingon man ang iyang duruha ka mga kaubanan nga nailang sila si Marlo Bulong Udong, ulitawo, Reynel Lingasa Artiaga, lalaki, ulitawo, 18 anyos, susama nga empleyado usab sa Hydie Buko Store.
Dala sa mga nahisgutan ang ilang gigamit sa pagpanigbas nga chopping knife. Anaa karon sa kustodiya sa otoridad ang mga dinakpan ug gi-andam na ang kaso nga iduso batok kanila.
Una ng gibutyag sa igsuon sa biktima nga si Alyas Joyjoy, nga ipadayon nila ang pagduso ug kaso batok sa mga suspek.
