DAVAO CITY – Gibansay na karon ang kapin 20 ka mga personahe sa Davao City Police Office (DCPO) aron nga motabang sa nagpadayon nga surveillance community swabbing sa dakbayan partikular na sa Crocodile ning siyudad.
Kahinumduman nga gawas sa mga mi-resign nga swabbers, natakdan sab ug Covid-19 ang pipila sa mga nahisgutan.
Sa kasamtangan padayon sab ang gihimong pagpang-recruit sa lokal nga kagamhanan sa mga buot mamahimong swabbers aron nga makab-ot ang ilang target matag adlaw.
Gawas sa usa ka international agency nga magpadala ug swabbers dinhi sa dakbayan, plano sab karon sa easternmindanao command nga i-deploy ang ilang mga personahe nga mga nurse ug doktor aron nga motabang sa community swabbing.
Una ng gibutyag ni Major Alex Mindalano, tigpamaba sa Eastmincom nga gipailalom sa pagbansay ang ilang i-augment nga personahe.
Ang surveillance community swabbing gihimo sa siyudad aron nga mapugngan ang pagsaka sa kaso sa Covid-19 sa dakbayan ug mapahigayon gilayon ang contact tracing sa mga nagpositibo sa virus.
