2, patay sa pagkahagsa sa helicopter sa Rizal

Duha ang kumpirmadong patay samtang adunay tulo ang naangol human nahagsa ang usa ka private helicopter sa Barangay Quisao, Pililla, Rizal ganihang buntag, Marso 3.

Sumala ni Mayor John Masinsin sa Pililla, adunay lima ka mga pasahero ang sakay sa helicopter, lakip ang duha ka mga langyaw.

Sumala pa nga usa sa mga pasahero ang dead-on-the-spot samtang ang usa gideklaranga dead-on-arrival sa ospital.

Atol sa maong panghitabo, walay nadamay nga mga panimalay.

Padayon pa usab karon ang himuong imbistigasyon sa mga otoridad aron sayron ang hinungdan sa pagkahagsa niini.