Gisiguro sa Philippine Coast Guard (PCG) karong adlawa nga ilahang gamiton ang tanang pamaagi aron pangitaon ug luwason ang mga tawo nga sakay sa barko nga nakulob sa kadagatan sa Rizal, Occidental Mindoro niadtong Martes.
Sa pagkakaron, duha na ang kumpirmadong patay human sa insidente, lakip ang usa ka Chinese National. Nasayran nga ang barko nga gitawag og MV Hong Hai adunay 25 ka mga tripulante, 13 ka mga Pilipino ug 12 ka mga Chinese Nationals. Sa pagkakaron, walo ka mga Chinese ug unom ka mga Pilipino ang naluwas.
Samtang subay sa report, ang tag-iya sa PCG ug operator sa barko gipahibalo nga magsugod na sa proseso sa pagkuha sa barko pinaagi sa pagkuha usab og accredited nga salvor.
Nagpahigayon na usab ang PCG og underwater survey ug ilahang gi-assess ang tanang potensyal nga mga risgo sama sa mga babag nga mga debris, kalisod sa panan-aw, daot ang panahon, ug mga underwater nga pangpang, sa dili pa ipadayon ang operasyon.
