DAVAO CITY – Dakpan ang duruha ka mga miyembro sa New People’s Army (NPA) ang nasikop sa Sitio Banhawan, Barangay Marayag, Lupon, Davao Oriental.
Sumala pa kang Eastern Mindanao Command (Eastmincom) commander Lt. Gen. Greg Almerol nga malampuson ang nahisgutan nga operasyon inabagan sa puwersa sa 10th Infantry Division, 701st Infantry Brigade, 66th ug 48th Infantry Battalions, Philippine Air Force, Philippine National Police (PNP), ingon man intelligence units.
Naila ang mga dinakpan nga sila si Ronnie Calibay (alias Lito) ug Jimmy Samonte (alias Jim), susama nga miyembro sa Guerrilla Front 18, Sub-Regional Committee 2, Southern Mindanao Regional Committee.
Narekober gikan sa ilang posisyon ang M16 rifle ug grenade launcher.
Dakong tabang sab sumala pa niini ang kooperasyon tali sa Armed Forces of the Philippines, PNP, ug mga kanhi rebelde nga nagahatag ug impormasyon.
Gi-awhag niini ang uban pa nga mga miyembro sa NPA nga malinawon nga motahan ilabi na nga daghanan na karon ug mga programa nga gitagana ang gobyerno alang sa mga nahisgutan.
Nasayran nga pipila sa mga benepisiyaro ang makadawat ug financial ug livelihood assistance kini pinaagi sa Enhanced Comprehensive Local Integration Program (E-CLIP).
Apan gikanayon niini nga dili magduha-duha ang tropa sa kagamhanan nga mogamit ug puwersa sa higayon nga magpadayon sab sa mga dautan nga binuhatan ang mga komunistang grupo.
Responsibilidad sumala pa nila nga hatagan sab ug proteksiyon ang mga sibilyan.
Kahinumduman nga ang Communist Party of the Philippines-NPA ang ang kalakip sa listahan sa Amerika isip terrorist organization lakip na sa European Union, United Kingdom, Australia, Canada, New Zealand, ug dinhi sa Pilipinas.
