Gikumpirma sa Davao City Health Office (CHO) adunay duha ka mga kaso nga natala dinhi sa dakbayan sa Davao mahitungod sa kaso Monkey Pox(Mpox).Sumala pa sa CHO nga nakadawat sila og impormasyon sa DOH Regional Epidemiology and Surveillance Unit (RESU) kabahin sa maong kaso niadtong Abril 16, 2025.
Dugang pa sa nasampit nga ahensya nga ang duha ka mga pasyente, na-admit SPMC isolation facility apan ang usa niini ang namatay gumikan sa komplikasyon.
Sa pagkakaron, ang City Health Office, nagpadayon sa pagmonitor ug pagsubay sa mga close contacts sa mga pasyente nga nataptan sa maong balati-an.
Nag-awhag usab kini sa publiko nga maghimo og response measures ug sundon ang mga protocols sa mpox aron makalikay sa maong sakit sama sa paglikay sa pagduol sa mga adunay gidudahan nga adunay Mpox.
Pipila sa mga sintomas sa Mpox:
Kalintura
Panakit sa ulo (headache)
Panakit sa kalawasan o lutahan
Kakapoy o fatigue
Panakit sa tutunlan (sore throat)
Kalintura nga hubag sa mga lymph nodes – pananglitan sa liog, ilok, o singit (lymphadenopathy)
