DAVAO CITY – Giisyohan ug citation ticket ang duha ka mga tag-iya ug tindahan nga mibaligya ug ilimnong makahubog sa ilang mga kustomer bisan kung anaa sa mga oras sa Liqour ban.
Posibling mag-atubang ug kaso may kalabotan sa kalapasan sa Liquor ban ang duha ka mga tag-iya ug tindahan dakpan human mamaligya ug ilimnong makahubog atol sa oras sa liquor ban.
Unang nadakpan si Eling Tamering, nga nanag-iya ug tindahan sa Country Home Subdividion, Cabantian human nga naaktohan nga namaligya ug ilimnong ngadto sa iyang mga kustumer.
Alas 3:41 sab kaganinang kaadlawon na-aktohan sab ang usa ka Patrick Reyes sa Country Home Subdivision, Cabantian gihapon nga nagbaligya ug ilimnong makahubog ngadto gihapon sa iyang kustomer ug mitugot sab ngadto sa uban pa niya nga mga kustomer nga mag-inum sulod mismo sa iyang tindahan.
Ang duha ka mga nanag-iya ug tindahan gi-isyohan ug citation ticket sa Buhangin Police Station.
