DAVAO CITY – Napasakahan na ug kaso ang duha ka mga pulis nga nangdagmal ug tulo ka mga menor de-edad.
Kahinumdoman nga nangayo ug pasaylo ang Davao City Police office (DCPO) sa gihimo sa nila ni PO1 Jovanie Natividad ug PO1 Jesre Masinading.
Naglaum na lamang ang DCPO nga dili kini makaapekto sa trust and confidence sa publiko ug gipasalig nga dili na masubli pa ang susamang insedente.
Kahinumdoman nga sa milabay nga semana gidagmalan nila ni Natividad ug Masinading ang tulo ka menor nga ilang nadakpan human nga nalambigit sa riot sa dakbayan sa Davao.
Nasubo usab si DCPO spokesperson Police Senior Inspector Maria Teresita Gaspan sa gihimo sa bag-ong mga police officials. Matud pa ni gaspan nga wala niya gina-tolerate ang bisan unsang pagpangabuso, dili maayong pamatasan sa iyang mga gingsakpan.
Dili sumala pa intensiyon sa mga pulis nga i-maltrati ang mga biktima kung dili usa lamang kadto ka matang sa pag-desiplina tungod wala sumala pa sila girespeto ug gibugalbugalan pa atubangan sa mga Brgy. Tanods.
Bisan paman niini, unsa man ang intensiyon, gisubli sa DCPO ang ilang prinsipyo isip usa ka police officers nga kinahanglang ampingan ang katungod ug dignidad sa publiko.
Nanawagan usab ug pagsabot si Gaspan sa mga taga-Davao nga unta open minded ang publiko sa nahitabong insidente ug wala hinoon kini nakadaut sa ubang opsiyal nga mihimo ug sakto ug dunay dedikasyon sa ilang trabaho.
