DAVAO CITY – Gidid-an nga makagawas ang duha ka mga pulis nga sumala pa nangulata sa tulo ka mga menor de-edad nga nadakpan sa San Pedro PNP.
Kahinumdoman nga sa milabay nga semana nangadakpan ang tulo ka menor sa kapulisan tungod na-involve kini sa kawat ingon man riot sa dakbayan.
Sumala pa ni SPO4 Jeffrey Bangkas sa Investigation and Detective Management Branch (IMDB) sa Davao City Police Office nga gidid-an una sa pagpagawas sila si PO1 Jovanie Natividad ug PO1 Jesre Masinading sa DCPO.
Nagpaabot pa usab sila ug complaint gikan sa pamilya sa mga menor ug posibleng mag-atubang ug kasong administratibo ug kriminal ang duha ka pulis…
Ang pahayag ni SPO4 Jeffrey Bangkas sa Investigation and Detective Management Branch (IMDB) sa Davao City Police Office. Samtang, sa pakighinabi sa bombo radyo sa duha ka pulis nga mibati sila karon ug pressure tungod sa panghitabo.
Nagpaabot na lamang usab sila sa posibleng paingnan sa ilang nahimo.
