DAVAO CITY – Anaa na karon sa kustodiya sa otoridad ang duruha ka menor de edad ug 30 ka mga miyembro sa rebeldeng grupong New Poeple’s Army nga mibalik sa sabakan sa balaud partikular na sa mga sakop sa kasundalohan sa Barangay Rizal sa Monkayo Compostela Valley sukad Enero 20 hangtud 23, 2018.
Una ng nasayran nga ang duruha ka menor de edad susama nga aktibo nga miyembro sa NPA lakip na ang ubang rebelde nga misurender sa unit sa 25th Infantry Battalion sa Philippine Army.
Nag-unang rason sa mga nahisgutan sa ilang pagtahan mao ang nasinatian nga kalisud sa bukid ingon man ang pagka-ipit sa gipahigayon nga combat operations sa militar.
Samtang padayon sab nga nanawagan si Lt. Col. Oscar Balignasay Jr., commanding officer 25th infantry Battalion, ngadto sa mga rebelde nga mas maayong mobalik na lamang sa sabakan sa kagamhanan aron nga matabangan ang mga nahisgutan nga makasugod sa ilang bag-ong kinabuhi.
