2 ka mga nagpataka ug labay sa 16 ka drum sa iti sa manok gidakop

DAVAO CITY  –  Posibling makasohan ang mga nangadakpan nga nagalabay ug hugaw gikan sa poultry farm sa ilang barangay sa  Bangkas Hieghts. 

Sumala pa kang Barangay Kapitan Nonoy Al-ag nangadakpan sa akto kagabii ang duha ka mga trabahante sa usa ka poultry farm sa Toril nga naglabay ug hugaw daplin sa dalan. 

Nasakmit gikan kanila ang dese sais ka mga drum sa mga iti sa manok, lakip na ang truck nga gigamit sa paghakot niini. 

Dali nga mi-atubang sa Barangay ang tag-iya sa sakyanan nga usa ka Jose Lumibao. 

Nasayran nga naalarma ang barangay gumikan kay matag gabii nagalabaw ug hugaw ang mga natungdan ug mi-angal na ang mga kasikbit nga barangay Baliok, Dumoy ug Bago Aplaya.