DAVAO CITY – Dakpan sa mga personahe sa Toril PNP ang duruha ka mga indibidwal kinsa nalambigit sa pagpamaligya ug ginadili nga druga. Una ng gilusad sa kapulisan ang operasyon sa Purok Rovical Village, Brgy. Daliao,Toril ning siyudad.
Naila ang mga dinakpan nga sila si MARLON ALONZO SANCHEZ Alias “MARLON”, 42 anyos, PUJ driver, lumad nga taga Hope Avenue, Bangkal, Purok-63, Brgy. Talomo River ning dakbayan ug temporaryo nga nanimuyo sa Purok Rovical Village, Brgy. Daliao,Toril ug usa ka IVY JANE TANUCAN PARILLA Alias “IVY”, 15 anyos, dalaga ug residente sa New Town Village, Brgy. Bago Gallera ning dakbayan.
Napalitan si alyas Marlon ug pakete sa ginadili nga druga sa nagpaka-aron ingnon nga poseur buyer bugti sa marked money nga 500 peso bill ug laing printed 500 peso bill.
Apan dihang gihiling kini sa kapulisan, nakuha sab gikan sa iyang posisyon ang laing lima pa ka mga pakete sa illegal nga druga; usa ka cellphone ug mga nagkadaiyang cards diin adunay pangalan sa suspek nga si MARLON ALONZO SANCHEZ.
Samtang ang mga narekober gikan sa posisyon ni alyas “IVY” ang gilangkuban sa usa ka improvised tooter ug usa ka Lighter.
Ang mga nakumpiska nga mga drug items ang aduna kinatibuk-ang kapin kun kulang 0.9375 grams ug gibana-banaan adunay DDB value nga kapin kun kulang P 6,375. 00 ug Street Value nga kapin kun kulang P15,000.00.
Kasamtangan karon nga gipaslak sa presohan si alyas Marlon sa Toril PNP samtang ang mag narekober ang mag items ang anaa karon sa kustodiya sa kapulisan ug gikatakda nga i-turn over sa RCLO XI, Ecoland aron nga ipailalom sa laboratory examination samtang si IVY JANE TANUCAN PARILLA Alias “IVY” ang anaa karon sa PS8 Womens and Children Protections Desk (WCPD) alang sa tukma nga disposisyon.
Mag-atubang ang dinakpan ug kasong paglapas sa |republic act 9165 kun comprehensive dangerous drugs act of 2002.
