Gikumpirma ni House Secretary General Cheloy Garafil atol sa usa ka interbyu nga duha ka impeachment complaint batok kang Vice President Sara Duterte ang pormal nang gipasa ngadto sa Office of the Speaker.
Subay sa pamahayag niini, gikanayon ni Garafil nga ang mga dokumento gipadala ngadto sa opisina ni Speaker Bojie Dy kagahapong adlawa, subay sa Konstitusyon ug sa mga lagda sa House of Representatives.
Ang unang impeachment complaint giduso sa Makabayan Coalition, lakip ang kanhing Congresswoman nga si France Castro, ug gi-endorso sa mga magbabalaod sa Makabayan.
Ang ikaduhang reklamo giduso sa Tindig Pilipinas ug pipila ka mga relihiyosong grupo, nga gi-endorso ni Akbayan Representative Perci Cendaña ug Mamamayang Liberal Representative Leila De Lima.
