DAVAO CITY – Malampuson nga nangadakpan ug gibalhug na karon sa San Pedro Police Station ang duha ka mga babaye human kini namaligya ug shabu sa ilang dapit.
Naila ang mga dinakpan nga sila si Jovie Padilla Tutor, alyas Jovie, 39 anyos, minyo, wala’y trabaho ug lain pang usa ka Merlyn Bretal Cibillas, 39 anyos ang pangidaron usa ka SCW, pulos mga residente sa purok 2, Bucana, Barangay 76-A, ning dakbayan sa Davao.
Una nang nasayran nga alas 7:30 kagabii dakpan ang mga suspek atol sa gilusad nga buy bust operation human nga mitunol sachet sa shabu sa nagpaka-aron ingnon nga buyer nga police bugti sa kinyentos ka pesos nga buy-bust money.
Dali nga giposasan ang duha ug gidala sa San Pedro Police Station. Kalakip sa nabawi gikan sa mga dinakpan ang buy-bust money, ug ang lain pang nga sachet sa shabu. Nakakuha sab ang kapolisan ug siyam ka mga baseyo nga tinag-as nga basiyo na nga sachet sa shabu.
Ang mga nasakmit nga mga druga ug drug parapernalia isumete sab sa PNP Crime Laboratory alang sa dugang examinasyon ug testing.
Ang duha ka mga dinakpan, gibalhug na karon sa San Pedro PNP ug gihikay na ang kaso nga kalapasan sa Comprehensive Dangerous Drug Act of 2002.
