-- ADVERTISEMENT --
Gipahibalo sa Philippine Atmospheric, Geophysical and Astronomical Services Administration (PAGASA) nga posibleng duha hangtod upat ka bagyo ang mamugna o mosulod sa Philippine Area of Responsibility (PAR) karong bulan sa Oktubre.
Matod sa PAGASA, kasagaran hayag ang panahon sa kadaghanang bahin sa nasud tungod sa easterlies o hanging nagikan sa Kadagatang Pasipiko. Apan, magpadayon gihapon ang pag-ulan uban sa pagkidlat ug pagdalogdog matag hapon o gabii, ilabi na sa Eastern Visayas, Caraga, ug Bicol Region.
Samtang apektado gihapon sa Habagat ang offshore Palawan, ilabina ang Kalayaan Group of Islands. Tungod niini, gidasig sa PAGASA ang katawhan nga magmatngon ug kanunay nga mosubay sa mga advisory sa panahon aron malikayan ang kadaot.
