DAVAO CITY – Gihaya na ang patay’ng lawas sa duruha ka mga bata nga susamang namatay human nga nalumos samtang nangaligo sa Liboganon River sa Barangay San Miguel, sa milabay nga adlaw.
Una ng giila sa Braulio Dujali Municipal Police Station ang mga biktima nga sila si Mat Louie Marfe, 7-anyos ug Kristal Hyacinth Mepico, 6-anyos.
Sumala pa kang Rache Marfe, inahan ni Mat, nga wala niya nabantayan ang iyang anak gumikan kay okupado siya sa pagpanglaba.
Iya sab nga gitambagan ang iyang anak nga si Mat nga dili moadto sa gitawag nila nga “liloan” gumikan kay lalom mga bahin kini sa sapa.
Sumala sa ig-agaw sa biktima nga kauban nila nga naligo, daw gisuyop sumala pa pag-abot sa ubos nga bahin ug dili sa mas lalom nga parte sa sapa.
Dali nga miabot sa lugar ang mga rescuers ug gisulayan pa pagdala sa balay tambalanan ang ma biktima apan nakabsan na kini sa ilang hinulaman nga kinabuhi.
