DAVAO CITY – Posibleng gituok sumala ang dos anyos nga bata nga nakaplagang patay sa kalubin-an nga bahin sa purok 12 brgy. San Miguel, tagum City kagahapon sa hapon.
Sumala pa kang PSI Anjanette Tirador, spokesperson sa sa Tagum PNP nahuman na ug autopsy ang bata ug naa nay death certificate ang bata.
Subay sumala pa sa findings sa medico legal officer, namatay ang batang si Cristine Miole gumikan sa asepxia o wala na kaginhawa gumikan kay nahutdan ug hangin nga resulta sa posibling pagtuok kaniya o kaha pagduot sa iyang nawong sa yuta – nga maoy posisyon sa biktima dihang nakaplagan alas 4 sa hapon niadtong adlaw nga martes.
Samtang, dili pa usab makapagawas ug kompirmasyon si Tirador kung gilugos ang bata sanglit ginaapabot pa usab nila ang resulta sa medical certificate gikan sa PNP crime laboratory.
Hinuon, gi-angkon niini nga adunay dakong posibilidad nga gilugos ang bata gumikan sa nakitang mga samad sa kinatawo niini.
Sa pikas bahin, sa dili madugay mailhan ug madakpan na sa kapulisan ang mga suspect nga mipatay sa bata. Gikanayon ni Tirador nga gihimo nilang sumbanan sa ilang imbestigasyon ang mga pahayag ni alyas Boy Negro – usaka minor de edad ug miembro sa usaka gang sa maong lugar.
Sa kasamtangan si Boy Negro ang gihuptan karon sa kapulisan subay na usab sa superbesyon sa DSWD personnel.
Kini ang gikonsederang person of interest human matahap ang mga ginikanan sa biktima nga aduna kini kasayuran sa kamatayon sa ilang anak.
