DAVAO CITY – Ipahigayon na sa Davao City Local Civil Registrar (LCR) ang usa ka mobile civil registration aron nga dad-on ang mga serbisyo sa gobyerno ngadto sa mga lumad isip kabahin sa Civil Registry month celebration.
Matud pa kang LCR Registration Officer III Shirley Arendain, nga sagad sumala pa nga malisdan ang mga lumad nga molugsong sa sentro sa siyudad aron magparehistro sa ilang births, deaths, ug marriage certificate.
Dugang ni Arendain nga ang ilang usa ka bulan nga selebrasyon adunay tema nga “Pilipinong Rehistrado, ang Kinabukasan ay Sigurado,” diin tumong sa ilang mobile registration teams mao ang pagbisita sa mga hilit nga barangay sa siyudad.
Gikanayong sulod sa bulan sa Enero ning kasamtangan nga tuig, adunay 3,700 births ang narehistro sa ilang buhatan. Nakatala sab sila ug dyutay nga pag-ubos sa birth registrations diin gikan sa 45,500 sa tuig 2015, nahimo na lamang kini nga 44,020 sa 2016.
Nasayran sab sa opisyal nga matag adlaw nga Martes ug Huwebes aduna silay naka-set up nga satellite office sa usa ka Mall sa Ecoland samtang matag adlaw nga Sabado ug Domingo anaa sila sa SM Lanang Premier aron modawat ug mga inquiries, corrections sa birth certificates, ug uban pang civil registry documents.
