DAVAO CITY – Nasikop ang 19 anyos nga lalaki nga gikatahong nagkaraw-karaw og dextrose sa mga pasyente sa usa ka pribadong ospital sa Nabunturan, Davao de Oro.
Nasayran sa pagpanubay sa Nabunturan PNP nga niadtong Martes sa gabii, dihang nisulod ang wala gihinganlang lalaki nga sa usa ka ward sulod sa bisinidad sa Miguel O. Cabrera Sr. Memorial Hospital.
Sumala pa, gipaspasan og patulo sa maong lalaki ang dextrose sa tulo ka mga pasyente.
Tungod sa reklamo sa mga watcher, na alarma ang mga Nurses ug uban Staff sa maong ospital.
Nakadagan ang maong lalaki ug gigukod kini sa mga Staff nga naka on-duty, ug malampuson sab kining nadakpan.
Gikustodiya na sa kapulisan ang maong lalaki ug gipakisayran pa kon wala kini sa saktong pang-isip atol sa pagbuhat niini.
Nagpahigayon na sab og striktong monitoring ang osiptal human sa maong panghitabo.
via || Bombo LJF
