DAVAO CITY – Wala kaayo’y ma-relocate nga pamilya sa pagpatuman sa coastal road project nga manukad sa Bago Aplaya ning dakbayan sa Davao.
Kini ang gihatagan ug katin-awan ni Den Ortiz ang tigpamaba sa Department of Public Works and Highways (DPWH) – 11.
Nasayran nga ang centerline sa nahisgutan nga proyekto mao ang dagat mao nga dunay mawad-an ug mga baybayon, apan dili kaayo sa mga balay.
Sagad sumala pa nga maapektohan kayo niini mao ang mga nahimutang sa mga exits. Mga highly populated area sumala pa ang exit points sa coastal road.
Sila ang posibling kinahanglan nga i-relocate. Nasayran nga dese otso kilometros ang tukoron nga coastal road nga mosubay gikan sa Bago aplyas hangtud sa Lanang area.
Dugang pa ni Ortiz nga paningkamutan nila nga mahuman ang nahisgutan nga coastal road sa 2022. Ang mga anaa sa kadagatan nga bahin ug maigo sa exit nga bahin mao ang i-relocate.
Apil sa posibli nga ma-relocate ang mga anaa sa tunga-tunga sa Dumalag padulong sa times Beach diin motadlas ang coastal road.
