18 ka mga public schools sa Davao region kalakip sa 100 identified public school nationwide

DAVAP CITY – Gikumpirma ni Department of Education XI spokesperson Jenelito Atillo nga mukabat sa 18 ka public schools sa Davao Region ang apil sa 100 identified public school nationwide nga napili alang sa pilot face to face classes.

Gikanayong ang 18 ka mga tulonghaan gikan sa duha ka probinsya og usa ka syudad dinhi sa rehiyon XI nga dunay ubos nga kaso sa Covid19. Hinuon wala pa gikabutyag sa kung unsa nga probinsya og Syudad ang gikonsidera karon sa DepEd.

Giklaro usab ni Atillo nga wala naapil ang Davao City alang sa first batch sa pilot face to face classes pero apil matod pa kini sa plano sa DepEd nga ikonsidera ang pipila ka schools dinhi sa syudad alang sa next batch nga pagpatuman sa pilot face-to-face classes.