DAVAO CITY – Mipadangat sa ilahang reklamo ang dese-siete ka mga pamilya sa zone-3 Brgy. Moncado, Babak, Island Garden City of Samal gumikan kay papahawaon sila sa ilahang gipuy-an nga walay relokasyon.
Gipahayag ni Boy Tan, usa sa mibarog nga lider sa mga apektadong pamilya nga gibaliwala lamang sa barangay ang ilahang hangyo nga unta mahatagan sila ug relokasyon homan ipatuman sa barangay ang pagpalapad pa sa dalan nga ilang nahimutangan.
Dugang gipahayag sa tinubdan nga relokasyon lamang unta ang ilang gipangayo apan igo lamang sila gisultihan ni Kapitan Bini Estrada nga magrenta na lamang sila ug pinuy-anan, butang nga nakahatag kanila ug dugang kalisdanan.
Gipanghinaot sa nahisgutan nga matabangan sila sa ilahang suliran nga giatubang karong panahuna gumikan kay bisan ang barangay dili na muhimo sa pagtabang sa ilaha ug nangusog pa ang kapitan nga mapapahawa dayon sila sa ilahang pinuy-anan
