Miabot na sa nasud ang 17 ka pinoy human kini gibuhian sa Houthi rebels sa Yemen. Milapag ang Oman Air Flight 843 sa Ninoy Aquino Internaitonal Airport Terminal 1 sa syudad sa Pasay, alas 9:31 ang takna, kagabie, adlawng Huwebes.
Gisugat ang 17 ka pinoy ni Department of Migrant Workers (DMW) Secretary Hans Leo Cacdac, Department of Foreign Affairs Secretary (DFA) Enrique Manalo, Transporation Secretary Jaime Bautista ug uban pang opisyal sa gobyerno.
Kahinumdoman, nga kaniadtong Nobyembre 2023, gi-hijack sa mga Houthi rebels sa Red Sea, ang barko nga adunay pangalan nga MV Galaxy Leader, samtang nagalawig kini padulong sa India ug gibihag ang mga crew niini nga gilangkoban og Bulgarian, Mexican ug Ukrainian nationals, lakip usab niini ang 17 ka Pinoy.
Sa musobra usa ka tuig nga pagkabihag, gibuhian lamang kini atong nakalabayng adlaw, ug dali nga gimando ni Pangulong Ferdinand Marcos Jr. ang pagpauli niini.
