Patay ang usa ka 17-anyos nga lalaki human nga nalumos atol sa nahimong pagluwas niini sa duha ka mga bata nga nalumos sa dagat nga sakop sa Brgy. Dumoy, ning syudad sa Davao.
Subay sa report sa kapulisan, giila ang biktima nga si Ryxcel Galos.
Sa gipahigayon nga imbistigasyon sa kapulisan, nakita sumala pa sa biktima ang duha ka mga bata nga naglisod og langoy samtang naligo niadtong adlaw nga Sabado.
Gidali sumala pa og langoy sa nahisgutan ang mga biktima nga niadtong tungura nangaligo kauban usab sa pagkaligo uban ang iyahang mga kabanay.
Nasayran nga ang mga bata nga iyahang giluwas ang iyahang ra usab nga mga paryente.
Milampos sumala pa ang 17-anyos sa pagluwas sa mga bata, apan wala na kini nakalangoy pabalik sa baybayon.
Dali usab nga gipahigayon ang search ang rescue operation sa Philippine Coast Guard ug mga responders gikan sa Central 911, Police Maritime Group, ug ang Dumoy Barangay Disaster Team apan wala gayud kini makita tungod sa kusog nga balod og lubog nga bahin sa dagat.
Niadtong adlaw nga Lunes nakit-an ang biktima sa mga mananagat nga napadpad sa fish port sa Toril ning syudad sa Davao.
Sumala pa sa kabanay sa biktima nga ilahang giisip nga bayani si Ryxcel tungod sa iyahang pagluwas sa duha ka mga bata.
