DAVAO CITY – Gikustodiya na karon sa Talaingod municipal Police station ang usa ka 17 anyos nga nasikop sa kasundalohan human ang nahitabong engkuwnetro tali sa 1st Platoon 56th IB Philippine Army ilalom ni 1Lt. Rey Jude Dagohoy ug gituohang mga sakop sa Guerilla Front 55 ilalom sa pagdumala ni Wacky Manlologpis.
Una ng nahitabo ang engkuwentro sa Sitio Bulo, Brgy. Dagohoy, Talaingod, Davao Del Norte nga milungtad ug lima ka minuto nga miresulta sa pagkasikop sa usa ka Dodo Manginay, 17 anyos.
Nakuha sumala pa sa posisyon niini ang usa ka Garand rifle ug Improvised Explosive Device nga adunay detonating cord.
Giimbestigahan na karon sa kapulisan si Dodo samtang nagpadayon sab ang hot pursuit operation sa kasundalohan aron paggukod sa mga miikyas nga mga rebelde.
