Gibutyag sa Korte Suprema nga usa ka “fake news” nga nakadawat sumala pa kini og petisyon nga naghangyo sa pagkanaog ni Pangulong Ferdinand Marcos Jr.
Kahinumduman nga una kining mikatag sa social media ang impormasyon nga nagkanayon nga adunay petisyong gisang-at sa labing taas nga hukmanan nga adunay 16 milyones nga pirma ug naghangyo nga mag-resign na ang pangulo.
Sumala sa SC, ang maong fabricated nga dokumento adunay petsa nga Marso 16, 2025, ug naghisgot nga ang Supreme Court Spokesperson ang tinubdan niini.
Gipamugos sa SC nga walay kamatuoran ang maong dokumento ug wala kini nagpagawas og susamang pahayag.
Gisaysay pa sa dokumento nga ang Supreme Court En Banc nakatakdang magtigom sa (Marso 17) aron hisgotan ang maong petisyon.
Apan gipasabot sa SC nga wala kini basehan sa kamatuoran ug walay naka-schedule nga sesyon ang En Banc ning adlawa.
Gihisgotan usab sa SC ang mga nag-unang fake reports nga mikatag niadtong Marso 11, nga nag-ingon nga nagpagawas kini og Temporary Restraining Order (TRO) kalabutan sa petisyon alang sa pag-aresto sa kanhi pangulo.
Sumala sa SC, ang tanang sayop nga impormasyon ang anaa na karon sa hustong pagproseso. Gisaad sa korte nga kini imbestigahan ug mag-atubang tukmang aksyon, lakip na ang pagpahamtang og silot sa mga responsable.
Sa laing bahin, gipangalanan sa SC ang mga Facebook account nga ‘Choose Libungan’ ug ‘Bernard Flores Maicon’ nga maoy pipila sa mga nagpakaylap sa maong impormasyon
Gi-awhag usab sa SC ang publiko nga magsalig lamang sa opisyal nga mga pahibalo nga mapatik sa opisyal nga website sa Korte Suprema sa Pilipinas (sc.judiciary.gov.ph).
