DAVAO CITY – Dakpan ang 16 ka mga wanted persons subay sa gipagawas nga warrant of arrest sa korte atol sa gilusad nga dinungang anti-criminality operations sa kapulisan sa tibuok dakbayan sa Dabaw.
Giila ang mga dinakpan kinsa nag-atubang ug managlahing mga kaso nga sila Louie Gutierres Margate, Krizell Apdalis, Jonathan Jakosalim Geronda, Jino Quijano Banate nga naay kasong murder, Sarurnino Cabañero Parba, Leonardo Prado Salcedo, Jonathan Bosquit Alolor, Christopher Macahine Basoc, Melmar Nuda Barosa, Loida Juyad, Glenda Mejorada Mercado, Dennis Q Perez, Diego Jonar Tagum Mansilacan, Jefferson Mejares Rocero, Manuel E. Betil ug Ruel C. Gabaisin.
Ang nahisgutang mga dinakpan ang kabahin sa 1,762 ka mga tao nga gipa-ilalum sa background check ug profiling.
Hiniusang gilusad ang operasyon sa mga ginsakpan sa DCPO sa pakig-alayon sa TF Davao, RMFB 11, PCG 11, RMU 11, NICA 11, NBI 11, CIDG 11 ug RIU 11.
