Gilaumang posibleng moabot pa og hangtod 16 ka bagyo ang musulod sa nasud gikan Agosto hangtod Disyembre karong tuiga, sumala pa kana sa state weather bureau.
Gilauman nga ang kasamtangang kahimtang sa mga bagyo mahitabo sa umaabot nga mga bulan.
Matod pa sa bureau, adunay duha hangtod tulo ka bagyo nga posibleng musulod sa bulan sa Agosto, duha hangtod upat matag bulan gikan Setyembre hangtod Nobyembre, ug usa hangtod duha sa Disyembre.
Base sa taho, kasagarang ginaagian og daghang bagyo ang Pilipinas sa mga bulan sa Hulyo, Agosto, ug Setyembre — nga maoy mga bulan karong tuiga nga posibleng makasinati og mas daghang bagyo.
Mas taas usab ang posibilidad nga magdebelop ang La Niña sa nasud, bisan pa man nga sa pagkakaron nagpabiling neutral ang kahimtang base sa climate pattern nga El Niño–Southern Oscillation (ENSO).
Apan, base sa ubang climate models, posible nga magdebelop ang La Niña tali sa Agosto ug Oktubre, ug mahimo pa kining molungtad hangtod Disyembre ug Pebrero sa 2025.
Sa pagkakaron, wala pa kini nakaabot sa 55% threshold nga gikinahanglan aron magpagawas ang state weather bureau og La Niña Watch.
Gihangyo ang publiko ug ang mga lokal nga panggamhanan nga magpabiling alerto ug mag-monitor sa mga update sa kahimtang sa panahon ilabi na sa kasamtangang kusog nga typhoon season.
