DAVAO CITY – Luyo sa nasinatian nga pandemiya, nagpadayon pa gihapon karon ang anti-drug campaign sa Island of Samal diin anaa sa 16 ka mga drug surrenderees ang nakatapos sa Community Based Rehabilitation Aftercare Program sa Barangay San Isidro diin gipahigayon ang aktibidad sa San Isidro Barangay Hall.
Kini sumala pa ang labing una nga graduation ceremony sa drug surrenderees sa isla.
Gikanayong ang mga graduates kauban ang ilang mga minahal sa kinabuhi ang nakadawat ug certificates of recognition gikan sa City Anti-Drug Abuse Council (CADAC) sa Local Government of Samal, kaabag ang Philippine Drug Enforcement Agency (PDEA) XI nga gipangunahan ni Provincial Director Genalyn Tan, Samal Police Station – Acting Chief of Police PMAJ Romeo Mapanao Jr. ug Barangay Anti-Drug Abuse Council (BADAC) sa San Isidro sa pagpanguna usab ni Punong-Barangay Rande Tambilawan.
Ang mga recoveries nga adunay mild cases ang mipailalom sa 3-month series sa counseling sessions nga ginapahigayon matag domingo nga nagsugod kaniadtong bulan sa Agosto.
Ang unang phase gilangkuban sa lectures sa illegal drugs ug substance abuse, epekto sa illegal drugs, ug awareness sa RA 9165 o mas naila nga “Comprehensive Dangerous Drugs Act of 2002.” Ang second phase mao ang moral recovery ug counseling meetings samtang ang third phase mao ang personal, life skills, ug livelihood training.
Isip kabahin sa After Care monitoring, ang mga graduates kinahanglan nga mo-report sa Rehab Facility matag katapusan nga biyernes sa bulan diin gi-required kini sa PNP ug PDEA ug gikinahangalan nga mopailalom sa drug tests kung gikinahanglan.
Ang maong aktibidad gipangunahan ni CMO-Community Affairs Division Mabel S. Deniega diin gitambongan sab kini sa Department of Interior and Local Government (DILG), City Social Welfare and Development (CSWD), City Health Office (CHO), CMO-Community Affairs Division, ug reverend pastors.
