-- ADVERTISEMENT --
Nisaka na sa 15 ka kinabuhi ang kumpirmadong nakalas human maunlod ang M/V Trisha Kerstin 3 sa kadagatan sa Pilas Island, Basilan, kagainang kaadlawon.
Nasayran nga ang maong Roro vessel, nagbiyahe gikan sa Zamboanga City paingon unta sa Jolo, Sulu,apan gikatahong nasudlan og tubig tungod sa balod hangtod nga kini napaingon sa pagkaunlod.
Sa 342 ka mga pasahero ug tripulante nga nakatala sa manipesto, mokabat na sa kapin 200 ka mga indibidwal ang malampusong naluwas gikan sa maong trahedya.
Sa pagkakaron, padayon pa ang pagpangita sa kapin 43 ka mga missing samtang gihimo usab ang imbestigasyon sa mga otoridad aron masuta ang tinuod nga hinungdan sa maong makapasubo nga insidente.
