DAVAO CITY – Mokabat ngadto sa kinse mil ka mga security forces ang ipakatag sa Public Safety and Security Command Center (PSSCC) sa tibuok dakbayan sa Davao atol sa kasaulogan sa Kadayawan sa Davao karong sunod bulan.
Sumala pa kang PSSCC deputy officer, Retired Senior Superintendent Angel Sumagaysay nga nakahan-ay na ang deployment ug naka-final briefing na sila, apan magpahigayon pa siya ug lain pa nga segurity meeting una pa mahuman ang bulan sa Hulyo.
Gikan sa August 10 hangtud 19, ug August 27 ang deployment sa mga security forces nga langkuban sa tanan nga mga unit nga mohatag ug seguridad atol sa kasaulogan sa Kadayawan sa Davao.
Kalakip niini ang mga force multiplier.
Gamiton sab ang mga sniper sa Davao City Police Office nga ipahimutang sa mga events nga dugokon sa mga tawo.
Gipasalig ni Sumagaysay nga bantante ang pagka-on sa tanan nga mga security forces ug wala’y pili-on.
