Gikumpiska sa mga awtoridad kagahapong adlawa, ang pipila ka mga mahalon nga sakyanan nga gipanag-iyahan sa kanhi Ako Bicol Party list Representative nga si Zaldy Co.
Nakit-an ang giingong mga Luxury cars ni Co sa usa ka parkinganan sa usa ka condominium unit sa Bonifacio Global City (BGC) sa Taguig City.
Mokabat sa 15 ka mga sakyanan ang nakit-an sa nahisgutang parkinganan.
Sa pagkakaron, wala pa matino sa mga awtoridad kung kinsa ang tag-iya sa parkinganan ingon man ang condo unit sa nahisgutang building.
Si Co kasamtangang gawasnon ug gituohan nga naa sa gawas sa nasud nga anaa sa bahin sa Europa.
Bag-ohay lamang, laing kasong plunder ang gisang-at batok kang Co nga adunay kalabotan sa anomalosong mga proyekto sa pagkontrol sa baha.
Gihatagan siya hangtod Enero 15 aron magsumite sa iyang counter-affidavit.
