Misaka na sa 14 ang patay ug 37 ang nasamdan sa bag-ong airstrikes sa Israel sa Lebanon, sumala sa health ministry.
Lakip sa mga biktima ang duha ka bata ug duha ka babaye, samtang usa ka sundalong Israeli usab ang gikatahong namatay.
Nagpasidaan ang Israeli military sa mga residente nga mobiya gikan sa pipila ka mga lungsod ug giingong target sa operasyon ang mga mangugubat ug armas sa Hezbollah tungod sa giingong paglapas niini sa ceasefire.
Mitubag usab ang Hezbollah nga magpadayon sila sa ilang mga pag-atake hangtod nga magpadayon ang operasyon sa Israel sa ilahang teritoryo.
Luyo sa ceasefire nga gipangunahan sa United States, nagpabilin nga delikado ug marupok ang sitwasyon samtang nagpadayon ang palitanay sa opensiba sa duha ka panig.
Sumala sa ulat, milapas na sa 2,500 ang patay sukad misiklab pag-usab ang kagubot niadtong Marso, lakip ang mga sibilyan, kababayen-an, ug kabataan.
