DAVAO CITY – Sa higayon nga matapos na ang quarantine sa 14 ka mga trainees sa Bureau of Jail Management and Penology (BJMP)-11, mamahimo na nga makabalik ang mga nahisgutan sa ilang trabaho.
Sumala kang Jail Capt. Edo Lobenia, tigpamaba sa BJMP-11, gitiwas na lamang sa mga trainees ang ilang quarantine human nga nangatakdan ang mga nahisgutan ug Covid-19 sa milabay nga bulan.
Una ng nasayran nga susamang mga asymptomatic ang nga nahisgutan ug wala lain nga gibati sa ilang panglawas. Sa inisyal nga pagpanubay, aduna sumala pay usa ka trainee nga adunay closed contact sa iyang partner nga nagpositibo sa covid-19 ang hinungdan nga mikatag ang virus ngadto sa iyang mga kaubanan.
Sa kasamtangan, padayon ang gipatumang hugtanon nga lakang sulod sa pasilidad ilabi na nga lisud sumala pa nga mokatag ang kagaw ngadto sa mga peneriso.
Kahinumduman nga temporaryo una nga gidid-an ang mga inmates nga makighimamat ngadto sa ilang mga kabanay inay mamahimo nila kini nga makahinabi pinaagi sa online kini aron nga dili matakdan sa kagaw ang mga nahisgutan.
Samtang anaa na matud pa sa kapin 500 ka mga peneriso ang nabakunahan batok covid-19 ug nagpadayon karon ang vaccination roll out alang sa mga nahisgutan.
Gihulat pa sab nila karon ang dugang pa nga supply sa bakuna.
