13 patay human nadiskaril ang train sa Mexico

Patay ang 13 ka mga tawo samtang 98 ang nasamdan human sa pagkadiskaril sa tren sa Mexico.

Nahitabo ang insidente sa Asunción Ixtaltepec, Oaxaca, sa main line sa tren tali sa Veracruz ug Salina Cruz.

Nagtinabangay ang labaw sa usa ka gatus nga navy personnel ug mga rescue vehicle sa lugar aron tabangan ang mga biktima.

Gipasalig sa Mexican Presidentnga si Claudia Sheinbaum nga ipahigayon ang imbestigasyon ug gisiguro ang tabang sa mga pamilya sa mga biktima.

Ang maong tren gipadagan sa Interoceanic Train, nga nagsumpay sa Pacific ug Gulf coasts sa Mexico, ug nagsugod ang serbisyo niini niadtong 2023.