DAVAO CITY – Luyo sa kanunay nga pahimangno sa otoridad nga likayan ang paggawas-gawas tungod sa gipatuman nga curfew hour ug liquor ban, anaa sa 13 ka mga batan-on diin kalakip niini ang 2 ka mga minor de edad nga mga babaye ang nadakpan atol sa joint operatives sa Mati Public Safety, Mati PNP, ug Barangay Central tanods dungan sa gipatuman nga curfew hours , liquor ban, public disturbance, ug City Ordinance No. 427 o ang Disiplina Panahon sa Pandemya Ordinance.
Naila ang mga dinakpan nga sila si 1. Bryan Merin, 26 years old; 2. Paul Comendador, 25; Lemuel Mison, 28; Karl Justine Merin, 18; Danny Bernaldez, 19; Andrew Diyao, 21; Joeril Anghud, 28; Loyd Mendoza, 19; Sean Bautista, 19; Dextor Bernaldez, 23; Christian Soriano, 27; ug ang duruha ka mga batan-on nga babaye nga gitago ang pangalan.
Susama nga nadakpan ang mga nahisgutan pasado alas diyes kagabie human ang nadawat nga report gikan sa concerned citizens nga mireklamo gumikan sa disturbo nga gihimo sa nahisgutan nga grupo sa Purok 17-1B Magsaysay sa nahisgutan nga lalawigan.
Ang mga nahisgutan gi-isyuhan ug citation ticket ug kasamtangan nga gikustodiya sa Mati PNP station alang sa imbestigasyon ug pagduso ug tukma nga kaso.
Kahinumduman nga hugtanon nga gipatuman sa lalawigan ang curfew hour ingon man pagtapok-tapok gumikan sa taas nga kaso sa mga natakdan ug covid-19.
