DAVAO CITY – Misaad ang pipila ka mga taga Davao region nga kalakip sa mga migradwar sa Philippine Military Academy (PMA) nga mohatag sila sa ilang tinuod nga serbisyo sa katawhan.
Kahinumduman nga dose sa 282 ka mga first class cadets nga mi-graduate sa PMA Fort Gregorio Del Pilar, Baguio City ang naggikan sa Davao region.
Matud pa kang Lt. Col. Reynaldo Balido, PMA spokesperson, nga sa nahisgutan nga ihap 207 niini ang mga lalaki samtang 75 ang mga babaye nga kalakip sa Alab-Tala (Alagag ng Lahing Binigkis ng Tapang at Lakas).
Gikanayong ang 12 ka mga PMA graduates nga naggikan sa dakbayan sa Davao ang gilangkuban nila ni Vince Magbanua sa Tigatto, Buhangin (Philippine Army), Stephanie Shane Albina sa Los Amigos, Tugbok (PA), James Cañizares sa Sto. Niño, Mintal (Philippine Air Force), Geronvic Aguinaldo of Catalunan Pequeño, Talomo (PAF), Miguel Antonio Escobar sa Talomo Proper, Talomo (PAF), Leanne Tiongson sa Cabantian, Buhangin (Philippine Navy), Glamour Luceño sa Estores Village sa Panacan, Bunawan (PN) ug Mark Leary Bitago sa Cabantian, Buhangin (PN).
Kalakip sab sa migradwar si Randy Orio Jr. sa Mati City (PAF), Resty Paguyan from Cateel (PA) ug Juriel Ian Jayson sa Governor Generoso (PN), nga susamang taga Davao Oriental; ug Algier Aniñon sa Panabo City, Davao del Norte (PA).
Mismong si Pangulong Rodrigo Duterte ang mi-awhag sa mga bag-ong opisyal sa militar nga serbisyohan ang nasud.
