Miabot na sa 12 ka mga tawo ang kumpirmadong namatay tungod sa epekto sa bagyong Crising, Dante, Emong ug habagat.
Matod sa National Disaster Risk Reduction and Management Council (NDRRMC), adunay walo ka ka mga tawo nga gihisgotang nahanaw ug padayon nga ginapangita.
Sa laing bahin, ginakumpirma pa sa ahensya ang kamatayon sa laing napulo pa ka mga tawo.
Apektado sa maong kalamidad ang 765,869 ka pamilya samtang 40,487 ka pamilya ang temporaryong gipapuyo sa mga evacuation centers.
Gibana-banaan nga molapas sa ₱366.3 milyon ang kadaot sa agrikultura, diin ang rehiyon sa MIMAROPA ang labing dako og natala nga kadaot.
Gipailawom na sa state of calamity ang Metro Manila ug 40 ka syudad ug munisipalidad sa unom ka rehiyon.
Nakahatod na usab og tabang nga nagkantidad og ₱181.4 milyon ang gobyerno alang sa mga biktima sa bagyo.
Padayon usab karon ang koordinasyon sa NDRRMC uban sa mga lokal nga lugar nga apektado sa kalamidad.
