Patay ang onsi ka mga skydiver ug usa ka piloto human sa pagkahagsa sa pribadong eroplano kagahapong adlawa sa sa Butler, Missouri, sumala sa operator sa eroplano nga Skydive Kansas City.
Nasayran nga ang Missouri State Highway Patrol mibutyag nga ang aksidente nahitabo duol sa Butler Memorial Airport, mga 60 milya (100 kilometro) sa habagatan nga bahin sa Kansas City.
Ang mga ngalan sa mga nakabsan sa kinabuhi wala pa ipadayag hangtod nga mapahibalo ang tanan nilang mga tagtungod, matod sa kompanya.
Nagtinabangay usab sila sa lokal nga mga awtoridad, sa Federal Aviation Administration (FAA) ug sa National Transportation Safety Board (NTSB).
Sumala sa acting airport manager ug emergency management nga ang single-engine turboprop nga eroplano milupad mga alas 11:20 sa buntag apan wala makakab-ot sa gitinguhang kahabogon.
Mihimo kini og kalit nga pagliko sa wala ug nahagsa sa mga 300 yarda (274 metro) gikan sa runway.
Giila sa NTSB ang eroplano nga usa ka Pacific Aerospace 750XL. Ang mga opisyal sa FAA naa na sa lugar sa aksidente, ug ang mga imbestigador sa NTSB gilauman nga moabot karong adlawa.
Matod sa NTSB, ang pinal nga report bahin sa posible nga hinungdan sa aksidente gilauman nga mahuman sulod sa 12 hangtod 24 ka bulan.
