Desidido ang Department of Agriculture (DA) nga palapdan ang sakop sa pilot testing sa ₱20 ang matag kilo sa bugas nga programa aron mapahimuslan kini sa 14 milyon ka mga Pilipino pag-abot sa Setyembre.
Matod ni Agriculture Secretary Francisco Tiu Laurel Jr., ang ikaduhang hugna sa pagbaligya sa maong bugas ipadayon sa mga probinsya sa Mindanao diin taas ang lebel sa kapobrehon.
Lakip sa mga target nga lugar mao ang:Zamboanga del Norte, Basilan, Cotabato City, Tawi-Tawi, Maguindanao del Sur, Davao Oriental, Sorsogon, Maguindanao del Norte. Ang ikatulong hugna, nga sugdan sa Setyembre, ipatuman sa Sultan Kudarat, Lanao del Norte, Catanduanes, Agusan del Sur, Sarangani ug Dinagat Islands.
Sa pagkakaron, gihimo na sa DA ang mga plano ug opsiyon aron mapadayon ang programa hangtod sa pagtapos sa termino ni Pangulong Ferdinand R. Marcos Jr. sa 2028. Kung magmalampuson, mahimo kining mapuslan sa kapin 15 milyon ka mga pamilya, tugbang sa 60 milyon ka mga Pilipino.
